ශ්‍රී ලංකාවේ  ඵලදායිතාව  පිළිබඳව  මූලික  අවබෝධය  1966 වර්ෂයේ  යොමු වූ අතර  ගරු  ඩඩ්ලි  සේනානායක  මහතා  අගමැතිවරයාව  සිටි  කාලයේ  දී  ආසියානු  ඵලදායිතා  සංවිධානයේ  සාමාජිකත්වය  ලබා  ගැනීම  සඳහා  ගිවිසුම්  අත්සන්  කරන  ලදි. එතැන්  පටන්  ශ්‍රී   ලංකාවේ   ඵලදායිතාව  ප්‍රවර්ධනය  විවිධ  කාල  වකවානුවල  දී  විවිධ  මට්ටමින්  ක්‍රියාත්මක  වූ  අතර  කළමනාකරණ සංවර්ධන  හා   ඵලදායිතා  මධ්‍යස්ථානය  වශයෙන්  කර්මාන්ත  අමාත්‍යාංශය යටතේ  1968 දී  ආයතන  ගත  විය. ඉන්  අනතුරුව  මෙම  ආයතනයේ කාර්යභාරයන්  ජාතික  ව්‍යාපාරිකත්ව  කළමනාකාරණ   ආයතන  විසින් පවත්වාගෙන  යන  අතර  2001 වසරේ  දී එම  සියලුම  කටයුතු එවකට තිබූ රැකිරක්ෂා හා  කම්කරු  අමාත්‍යාංශය  යටතට  පත්  කරන  ලදී. ශ්‍රී ලංකාවේ ඵලදායිතාව  පිළිබඳ නව  ප්‍රවණතාවයක්  ඇති  කරමින්  ජාතික  ඵලදායිතා ලේකම් කාර්යාලය  එම  අමාත්‍යාංශය  යටතට  ස්ථාපිත  කරන  ලද  අතර  මේ වන විට විධිමත් ආයතනයත් ලෙස ශක්තිමත් වෙමින් පවතී.